كتبت الممثلة باميلا الكيك: "وقفوا الدم... بكرا بصادف 4 آب بتتذكروا هالتاريخ؟؟ بكرا بيكون مرق 5 سنين على مجزرة بحق 200 شخص و"أكثر" تنذكر وما تنعاد وانشاءالله نشهد على محاسبة كل حدا كان السبب.
وقفوا الدم... جايين نفرح أو نزعل ما بعرف... بعرف في جهد بيستحق يكون بهالحدث اليوم... وقت طلعت الفكرة عرفت ناس رح تكون مع وناس رح تكون ضد بس هون الرسالة الأهم إنو ما رح يكونوا مع أو ضد فلسطين رح يكونوا ضد الانسانية... وقفوا الدم كونوا السبب إنو يوقف الدم.
في اقليات بالعالم عم تُضطهد، ما بيهمني اليوم اسمع الحجج اللي وصّلتنا لهالوحشية، بهمني المسيحي العلوي الدرزي السني والشيعي ما يعيش بخوف بقا... الليستة طويلة بس كمان بكلمة وحدة وقفوا الدم... وتصبحوا على سلام".
غرّدت الإعلامية كارين سلامة: ""فرقت معي ومع ابنتي كم ثانية... الحمد لله ما كان وقتنا نروح، بس عشناه بكل تفاصيله، الرعب، الخوف، مشاهد الناس المصابة ويلي ماتت، بيروت عم تنفجر امام عيونا... نهار ما بينسى الله يرحم الضحايا... ونقدر نشوف المسؤولين عن هالكارثة يحاسبون".
وكتبت الفنانة إليسا: "بيروت، ٤ آب، الساعة 6:07 مساءً. قلوبٌ محطمة، مكسورة، ضائعة. شعورٌ لا يزول، شعورٌ سنتذكره دائمًا. ندبةٌ ستبقى للأبد. ولكنها بيروت... مدينةٌ ستنبض دائمًا. لن نسامح، لن ننسى أبدًا".
كذلك علّقت الفنانة نوال الزغبي: "انفجار بيروت محفور بذاكرتنا لأجيال واجيال …. مش مهم يكون في يوم للذكرى الاهم محاسبة اللي كانوا السبب بهالمجزرة التاريخية ! الله يرحم كل الشهداء اللي استشهدوا".
وهذا ما قالته الممثلة ورد الخال: "نصفي مدينة... ورحل معها نصف عمري وشكلي وشغفي ومرحي وايماني وحبي ولطفي...".
وقالت الممثلة ماغي بو غصن: "4 آب.. تاريخ قاسي ما بيروح من البال! الله يرحم الضحايا ويصبّر عائلاتهم. صار وقت تتحقق العدالة".
وأخيرًا علّقت الفنانة كارول سماحة كالتالي: ""5 سنين مرقوا… والوجع بعده ساكن القلوب. لكل أم خسرت، لكل بيت تهدّ، قلبي معكن بعدو من ٤ آب ٢٠٢٠… وكل يوم".